Bubble Gum அசைபோடும் பழக்கம் உள்ளவரா நீங்கள் – அசைபோடுவதும் ஆரோக்கியமே!

அசைபோடுவதும் ஆரோக்கியமே!
ஓட்டகத்தைவிட, அதிகமாக அசைபோடும் இளசுகளுக்காகவே, பலவித வண்ணங்கள் , சுவை, மணங்களில் சுயிங்கம்கள் கிடைக்கின்றன.

ஓய்வுநேரத்தில் சுயிங்கம் மெல்லுவது என்பது நிறையப் பேருக்கு பழக்கமாகவே மாறிவிட்ட நிலையில் இசுயிங்கம் மெல்லுவதால் வரும் நன்மைகள், பாதிப்புகள் குறித்து கோவையைச் சேர்ந்த வயிறு மற்றும் குடல்நலச் சிறப்பு மருத்துவரிடம் கேட்டோம்.



“ நாம் அதிகம் பயன்படுத்தும் சுயிங்கம்கள் சர்க்கரையைப் பயன்படுத்தித் தயரிக்கப்படுகிறது. இது எல்லாக் கடைகளிலும் கிடைக்கும் சாதாரணவகை, மற்றொன்று, செயற்கைச் சர்க்கரையைக் கொண்டுதயாரிக்கப்படும் ‘சுகர் ஃப்ரீசுயிங்கம்’.
ஆரோக்கியத்தைக் கவனத்தில் கொண்டு, தற்போது மார்கெட்டில், புதுமையாக ‘சுகர்ஃப்ரீ’ இனிப்புகளைப் போல, இந்த ‘சுகர் ஃப்ரீசுயிங்கம்கள்’ வந்துவிட்டன.

சுகர் ஃப்ரீசுயிங்கம் மெல்லுவதன் மூலம் நன்மைகளும் உண்டு. சுயிங்கம் மெல்லும்போது நம்முடைய மூளையில் நினைவாற்றலுக்குப் பொறுப்பான பகுதி தூண்டப்படுகிறது என்று ஆய்வு ஒன்று கூறுகிறது. மேலும் மனஅழுத்தம் பதற்றத்தைப் போக்குகிறது. மனஅழுத்தம், பதற்றமான சூழ்நிலையில் ஒருசுயிங்கம் மெல்லும் போது அதுமனதை அமைதிப்படுத்துகிறது” என்கிற டாக்டர், சுயிங்கம் பற்றிமேலும் விரிவாகப் பேசினார்.

“சுயிங்கம் மெல்வது செரிமானத்துக்கும் உதவியாக இருக்கிறது. குறிப்பாக சாப்பிட்டதற்குப் பிறகு சுயிங்கம் மெல்வது மிகவும் நல்லது. இப்படிச் செய்யும்போது அதிக அளவில் எச்சில் சுரக்கப்பட்டு இரைப்பைக்குள் அனுப்பப்படுகிறது. இது வயிற்றில் உள்ள அமிலங்களைக் கட்டுப்படுத்துகிறது. மேலும், புளித்தஏப்பம் பிரச்னை உள்ளவர்கள், இதனை மெல்லும் போது உருவாகும் உமிழ் நீர், அமிலகாரத் தன்மையைச்சீர் செய்கிறது.



உணவு உண்டபின் இதனை மெல்லுவதன் மூலம், பல் இடுக்குகளில் உள்ள உணவுத் துகள்கள் வெளியேற்றப்படும். இதனால், உணவுக்குப் பின் பல் தேய்ப்பது, மவுத் வாஷ் உபயோகிப்பது போன்றவற்றுக்கு அவசியமே இருக்காது. இது பல் மற்றும் தாடைகளுக்கு நல்லதொரு பயிற்சியாகவும் அமைகிறது.
வாய் துர்நாற்றம் இருப்பவர்கள், இந்த சுயிங்கத்தை மெல்லுவதன் மூலம், சுவாசப் புத்துணர்ச்சிகிடைக்கும். ‘ஜிராக்ஸ்டோமியா’எனப்படும்.

இயற்கையாகவே விழிநீர், உமிழ் நீர் சுரப்பு, குறைவாக உள்ள குறைபாடு உள்ளவர்கள், இந்தச் செயற்கைச் சர்க்கரை சுயிங்கம்களை மெல்லுவதன் மூலம், அதிலிருந்து மீள முடியும் “ என்றவர் சுயிங்கம் மெல்வதால் ஏற்படக்கூடிய பாதிப்புகளைப் பட்டியலிட்டார்.

“சர்க்கரை கொண்டு தயாரிக்கப்படும் சுயிங்கம்களை தொடர்ந்து மெல்லுவதன் மூலம், பற்சிதைவு ஏற்பட வாய்ப்பு உண்டு. காரணம், அதில் உள்ளசர்க்கரை. பல் இடுக்குகளில் படிந்துள்ள பாக்டீரியாக்களுக்கு உணவாகிவிடுவதால், அவை வேகமாக வளர்ந்து பற்களைச் சிதைக்கும். இதனால் சிறுவர்கள், சிறுவயதிலேயே பல சம்பந்தப்பட்டபாதிப்புகளுக்கு ஆளாகலாம்.
மற்றொருபிரச்னை, சுயிங்கம்மைத் தெரியாமல் விழுங்கிவிடுவது, சுயிங்கம்மை விழுங்கினாலும் பாதிப்புகள் பெரியஅளவில் இருக்காது.

காரணம் இது உடலுக்குள் எங்கும் ஒட்டாமல் நமது குடலை அடைந்துவிட்டால், மிக எளிதாக மலத்தில் வெளியேறிவிடும். மாறாக இது உணவுக்குழாயில் ஒட்டிக்கொள்ளும் போதுதான், மூச்சுவிடுவதில் சிரமம் ஏற்பட்டு பாதிப்பை ஏற்படுத்தும். சுயிங்கம்மைத் தெரியாமல் விழுங்கிவிட்டால், உடனடியாக அதிகப்படியான நீர் அருந்த வேண்டும். இது, சூவிங்கம் குடலை அடைந்து வெளியேறிவிடுவதற்காண வாய்ப்பை அதிகரிக்கிறது. இல்லையெனில் அறுவை சிகிச்சை மூலமே வெளியேற்ற இயலும்.
சுயிங்கம் பிரியர்கள் சுகர் ஃப்ரீசுயிங்கம் மெல்லுவதால், முகத்துக்கும் நல்ல பயிற்சியாக இருக்கும்”

அசைபோடும் பழக்கம் உள்ளவரா நீங்கள்

 2,901 total views

இவரை போன்று அழகான கன்னம் பெற 9 எளிய டிப்ஸ் | How to get chubby cheeks in Tamil

அழகான கன்னம் பெற | How to get chubby cheeks in Tamil

முகத்தில் அழகை இன்னும் அழகாக்குனது களையான கன்னங்கள். ஆப்பிள் போல் கன்னங்கள் இருந்துவிட்டால் அழகோ அழகு.

ஆப்பிள் கன்னங்கள் பெறுவதற்கு இதோ சில டிப்ஸ்.

  1. உடலுக்குத் தேவையான எண்ணெய் பசை இல்லாத போது கன்னப் பகுதியும் வறண்டு போய் காணப்படும். வறண்ட சருமம் உள்ளவர்கள் தினமும் பாதாம் பருப்பு, பிஸ்தா பருப்பு, சாரைப் பருப்பு, முந்திரிப் பருப்பு இவற்றை தலா ஒன்று எடுத்து வெந்நீரில் ஊறவைத்து அதில் ஒரு பருப்பை மட்டும் அரைத்து முகத்தில் பூசிவிட்டு மீதி மூன்று பருப்பையும் சாப்பிட வேண்டும். தோலில் எண்ணெய் பசை சுரப்பதற்கு இந்த பருப்பு வகைகள் உதவும். இதனால் முகச் சுருக்கங்கள் மறைவதுடன், ஒடுங்கிய தாடைப்பகுதியில் சதை போட்டு கன்னம் தங்கம் போல் மின்னும்.
  2. மூன்று ஆப்பிள் துண்டுகள், மூன்று கேரட் துண்டுகள் இவற்றை துருவி ஜீஸ் செய்து, அதனுடன் அரை எலுமிச்சை சாறு கலந்து தினமும் காலையில் குடித்து வந்தால் கன்னத்தில் சதை போட்டு, கன்னத்தில் நிறம் கூடி பளப்பாகும்.
  3. ஒரு கப் பாலில் ஒரு ஸ்பூன் வெண்ணெய், ஒரு ஸ்பூன் தேன், இரண்டு துண்டு சீஸ், ஒரு டேபிள் ஸ்பூன் ஓட்ஸ் சேர்த்து தினமும் காலையில் சாப்பிடுவதுடன், ஒரு கப் ஆரஞ்சு அல்லது ஆப்பிள் ஜீஸ் குடித்து வந்தாலே போதும். சதைப்பிடிப்புடன் அழகான கன்னம் பெறலாம்.
  4. அன்றாட உணவில் பால், சீஸ் மற்றும் நீர்ச்சத்தான ஆகாரங்களை உண்ணாததும் கன்னம் ஒட்டிப் போவதற்கு ஒரு காரணம், இதனால் சருமம் வறண்டு, உதடுகளும் வெடிப்புக்கு உள்ளாகும். தினமும் உணவில் பாதாம், பிஸ்தா போன்ற பருப்பு வகைகளையும், உலர்ந்த பழங்களையும் உடலுக்குத் தேவையான நீரையும் உட்கொண்டால் கன்னங்கள் செழுமையாகவும் பளபளப்பாகவும் இருக்கும்.
  5. தினமும் குளிப்பதற்கு முன்பு ஒரு ஸ்பூன் வெண்ணெயுடன் சிறிது சர்க்கரை கலந்து கன்னங்களில் தேய்த்து வர கன்னங்கள் உப்பி ஆரம்பிக்கும்.
  6. நல்லெண்ணெய் அல்லது தேன் ஒரு கரண்டி எடுத்து, வாயில் போட்டு கொப்பளிக்கவேண்டும். இது ஒட்டிய கன்னம் உள்ளவர்களுக்கு சிறந்த பயிற்சியாகும்.
  7. ஆப்பிளை நறுக்கி அரைத்து அவற்றை முகம் முழுவதும் பூசி பேசியல் ஸ்ட்ரோக் கொடுத்து வர ஒரே வாரத்தில் அழகான கன்னங்கள் பெறலாம்.
  8. ஒரு ஸ்பூன் தேனுடன் அரைத்த பாதாம் விழுது, ஒரு ஸ்பூன் சேர்த்து குழைத்து முகத்திற்கு, பேக் போட்டு அரை மணி நேர ஊறவைத்து பின்பு கழுவ கன்னம் பளபளப்பாகும்.
  9. பால் 1 ஸ்பூன், வெண்ணெய் 1 ஸ்பூன், பார்லி தூள் 1 ஸ்ப10ன் எடுத்து ஒரு கிண்ணத்தில் போட்டு நுரை வரும் வரை கலக்கவும். அப்போது கிடைக்கும் கிரீமை முகம் மற்றும் கழுத்துப் பகுதியில் பூசி அரை மணி நேரம் கழித்து வெதுவெதுப்பான நீரில் சுத்தம் செய்தால், முகம் மென்மையாகவும், பளபளப்பாகவும் மினுமினுப்பாகவும் பிரகாசிக்கவும்.



 4,113 total views